Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Carl Gustaf Emil Mannerheim (4 de xunu de 1867 (xul.), Louhisaari Manor (en) – 27 de xineru de 1951, Lausana) foi un noble, militar y políticu finlandés, mariscal y comandante en xefe de les Fuercies Armaes de Finlandia, y sestu presidente de la República de Finlandia (1944-1946).
Mannerheim nació na casona Louhisaari, en Askainen, nel senu d'una familia suecu-finesa, con antepasaos neerlandeses, que xubiera a la nobleza en 1768. Los sos padres fueron el conde Carl Robert Mannerheim y la so esposa Hedvig Charlotta Hélène von Julin, siendo'l tercer fíu d'esti matrimoniu, una familia na que los fíos menores heredaben el títulu de Barón (en finés Vapaaherra, en suecu Friherre). Yera coles mesmes pariente del esplorador Adolf Erik Nordenskjöld. Mannerhein, bautizáu Carl Gustaf Emil, yera conocíu pol so segundu nome, Gustaf (en finés Kustaa), y mientres la so vida, robló les sos cartes privaes como Gustaf o G. La so llingua materna yera'l suecu, pero tamién falaba rusu, francés, alemán, inglés y polacu. Curiosamente, Mannerheim nun aprendió a falar finés hasta los 50 años d'edá aproximao.
© MMXXIII Rich X Search. We shall prevail. All rights reserved. Rich X Search